Almennt

Aðgangur og notkun á vefsíðu Gina Tricot (netverslun) er háð eftirfarandi skilmálum. Ef þú ferð á vefsíðuna, skoðar eða leggur fram pöntun samþykkir þú þessa skilmála.

Vinsamlegast lestu skilmálana vandlega þar sem þeir innihalda mikilvægar upplýsingar. Ef þú hefur einhverjar spurningar, ekki hika við að hafa samband við Gina Tricot á Íslandi, ginatricot@ginatricot.is.

Þessi vefsíða er í eigu og rekin af

Molly ehf., umboðsaðila Gina Tricot á Íslandi.
kt. 630519-0390
Póstfang: Mávanesi 8, 210 Garðabæ.
Verslun/lager: Skeiðarási 8, 210 Garðabæ
VSK númer er 134974.
Sími: 591-9095
Netfang: ginatricot@ginatricot.is

Gina Tricot á Íslandi áskilur sér rétt til að breyta, fjarlægja eða bæta við vefsíðuna ginatricot.is og skilmála þessa án sérstakra tilkynninga til viðskiptavina. Skilmálarnir sem eru í gildi þegar pöntun er gerð, gilda um viðkomandi pöntun, með öllum þeim breytingum og viðaukum sem kunna að hafa verið gerðir á þeim. Skilmálarnir skulu vera í samræmi við íslensk lög.

Þessi vefsíða kann einnig að tengjast öðrum vefsíðum sem eru ekki reknar af Gina Tricot á Íslandi. Gina Tricot á Íslandi hefur ekki stjórn á þeim síðum og tekur ekki ábyrgð á þeim né þeim skaða eða tjóni sem gæti orðið við notkun þeirra.

Persónuvernd

Vinsamlegast lestu skilmála okkar um persónuvernd hér.

Kaupskilmálar

Gina Tricot á Íslandi samþykkir aðeins pantanir sem gerðar eru af vefsíðu fyrirtækisins. Ekki er hægt að taka á móti pöntunum í síma, tölvupóst eða með bréfpósti.

Til að leggja fram pöntun á vefsvæðinu verður þú að vera 16 ára, búsett/ur  á Íslandi og/eða með íslenskt heimilisfang. Þú gefur upp afhendingar- og tengiliðsupplýsingar (eins og tölvupóstfang og farsímanúmer). Þetta má gera á innkaupahluta síðunnar.

Vörur sem eru settar í innkaupakörfuna eru ekki fráteknar fyrr en pöntunin er  staðfest af Gina Tricot á Íslandi með pöntunarstaðfestingu sem er send á netfangið þitt.

Um ábyrgð á seldum vörum og viðskipti okkar að öðru leyti gilda lög um neytendakaup nr. 48/2003, auk laga um neytendasamninga nr. 16/2016, að teknu tilliti til skilmála þessara.

Samningur og staðfesting á pöntun

Þegar pöntun er afgreidd á vefsíðunni og pöntun hefur verið staðfest með töluvpósti (Pöntunarstaðfesting) er kominn á bindandi samningur um kaup. Pöntunarstaðfestingin er send á netfangið þitt þegar Gina Tricot hefur skráð pöntunina og móttekið greiðslu. Pantanir skráðar á föstudögum, laugardögum, sunnudögum og öðrum helgidögum verða staðfestar eigi síðar en næsta virka dag kl. 18:00.

Verðlagning og gjaldmiðill

Verð eru sýnd í íslenskum krónum (ISK) á vefsíðunni og er með virðisaukaskatti. Verð getur breyst og Gina Tricot getur afturkallað tilboð hvenær sem er. Uppgefið verð við pöntun gildir um allt kaupferlið.

Afsláttar- og kynningarkóðar

Gina Tricot á Íslandi getur tímabundið boðið kynningarverð og afslátt, með eða án kynningarkóða

Afslættir með kóða eru almennt eingöngu gildir einu sinni og þegar kóðinn er notaður verður hann óvirkur og því ekki lengur gildur.

Ekki er hægt að bæta við afslætti  í pöntun eftir að hún er staðfest. Þess vegna þarf að tryggja að allar upplýsingar um slíkt séu skráðar áður en pöntun er staðfest og greidd. Gina Tricot á Íslandi tekur ekki ábyrgð á kynningum sem birtar eru á vefsíðum þriðja aðila.

Gina Tricot á Íslandi áskilur sér rétt til að afturkalla afslátt, kynningarverð eða kynningarkóða hvenær sem er og með hvaða hætti sem er.

Kynningarafslættir, aðrir afslættir eða kynningarkóðar í prentuðu eða stafrænu formi (t.d. í fréttabréfi Gina Tricot á Ísland) gilda ekki með öðrum tilboðum nema annað sé skýrt tekið fram. Gina Tricot á Íslandi áskilur sér því rétt til að ógilda pöntun viðskiptavinarins ef misnotkun af herferðum eða kynningum verður vart.

Hraðsendingar

Þú getur valið að fá sendinguna heim með hraðsendingu. Pantanir með hraðsendingu eru afgreiddar samdægurs á höfuðborgarsvæðinu ef pantað er fyrir kl 16 á virkum dögum. Pantanir með hraðsendingu sem berast eftir kl 16 eru afgreiddar næsta virka dag. Ef ekki tekst að afgreiða hraðsendingu skv. framangreindu endurgreiðist gjald fyrir hraðsendingu. Ef pöntunin kemst ekki til skila er varan send næsta virka dag með dropp/póstinum. Gjald sem greitt er fyrir hraðsendingar fæst ekki niðurfellt þrátt fyrir að verslað sé fyrir meira en 10.000kr. 

Greiðsla

Vefverslun Gina Tricot á Íslandi samþykkir eftirfarandi greiðslumáta fyrir pantanir:

Kredit- / debetkort

Þegar greiðsla er framkvæmd með kredit- eða debetkorti (VISA, Mastercard,  Maestro eða American Express) er greiðslan skuldfærð þegar í stað og heimild fæst.

Allar greiðslur sem eru gerðar með kredit- eða debetkorti eru gerðar með öruggum greiðsluþjónustuveitanda (PSP) sem notar SSL (Secure Sockets Layer) í dulkóðuðu formi sem veitir viðskiptavinum öryggi í samræmi við alþjóðlega öryggisstaðal PCI DSS .

Allir kredit- og debetkortakorthafar gangast undir skilmála kortaútgefanda. Ef útgefandi tiltekins kredit- eða debetkorts neitar að heimila greiðslu til Gina Tricot á Íslandi, berast þér skilaboð þar sem fram kemur að greiðsluna sé ekki hægt að framkvæma. Gina Tricot á Íslandi ber ekki ábyrgð á töfum eða synjun á því að vara sé afhent sé það rakið til synjunar á korti eða heimild.

Suma staðbundna kredit- / debetkortaútgefendur, t.d. DanCard (Danmörk) Carte Bleue (Frakkland), er einnig hægt að nota til að greiða pöntunina en Borgun hf. er færsluhirðir ginatricot.is og vísast til reglna þeirra um færsluhirðingu að öðru leyti.

Millifærsla

Gina Tricot á Íslandi býður upp á millifærslu sem greiðslumáta. 

Reikningsnúmer: 515-26-010581

Kennitala: 630519-0390

Þegar greiðsla hefur verið innt af hendi og staðfesting send á netfangið netverslun@ginatricot.is verður staðfestingarpóstur sendur til þín og þar með eru viðskiptin staðfest.

Netgíró

Hægt er að greiða með Netgíró í netverslun Gina Tricot á Íslandi. Þegar greiðsla hefur verið innt af hendi og staðfesting borist Gina Tricot á Íslandi verður staðfestingarpóstur sendur til þín og þar með eru viðskiptin staðfest. 

Aur

Hægt er að greiða með Aur í netverslun Gina Tricot á Íslandi. Þegar greiðsla hefur verið innt af hendi og staðfesting borist Gina Tricot á Íslandi verður staðfestingarpóstur sendur til þín og þar með eru viðskiptin staðfest. 

 

Afhending

Gina Tricot á Íslandi afgreiðir pantanir eins fljótt og auðið er. 

Þegar pöntun er send frá vörugeymslu okkar færð þú senda staðfestingu með upplýsingum um hvernig á að fylgjast með sendingunni. Athugaðu að rekjanleiki er aðeins mögulegur á pöntunum sem sendar eru með Póstinum og Dropp.

Ef afhendingu seinkar verulega eða í meira en 20 daga hefur þú heimild til að hætta við kaupin. Í slíku tilviki biðjum við þig hafa samband við þjónustudeild Gina Tricot á Íslandi, ginatricot@ginatricot.is

Skilaréttur

Lögbundinn réttur til að falla frá samningi. 

Þú hefur 14 daga frá afhendingu til að falla frá samningi um kaup á vörum með vísan í 17. gr. laga um neytendasamninga nr. 16/2016. Tilkynningu skal senda með tölvupósti á netfangið ginatricot@ginatricot.is áður en framangreindur frestur er úti. Þegar tilkynnt hefur verið um að fallið verður frá samningi þarf að skila eða endursenda vöru innan 14 daga frá tilkynningu. 

Aukinn skilaréttur Gina Tricot. 
Umfram lögbundna heimild til að falla frá samningi veitir Gina Tricot öllum viðskiptavinum sínum almennan 30 daga skilarétt frá viðtökudegi vöru. 

Vörur sem ekki fást skilað

Nærbuxum, sundbuxum, eyrnalokkum og snyrtivörum fæst hvorki skipt né skilað nema innsigli sé til staðar og umbúðir heilar. 

Ástand vara. 

Vörur verða að vera ónotaðar, í upprunalegum pakkningum og ástandi við skil og fyllilega hæfar til endursölu. Allir verðmiðar og pakkningar sem fylgja vörum þurfa einnig að vera í upprunalegu ástandi.

Hvernig á að skila vöru: 

Þú getur skilað vörum með tvennu móti. Annaðhvort er hægt að senda vörurnar með pósti eða skila þeim beint á lager.

 

Skilað með pósti

Áður en skilað er skal senda tölvupóst á ginatricot@ginatricot.is með subject: “Skil á vörum” ásamt eftirfarandi upplýsingum: 

ATH ekki er þörf á að senda tölvupóst fyrirfram ef komið er með vörurnar á lagerinn. 

1. Nafn og kennitala viðskiptavinar
2. Fjöldi vara sem er skilað.
3. Verðmæti vara sem skilað er.
4. Ef skilað er vegna galla skal lýsa gallanum.

Senda skal vörurnar ásamt fylgiseðli á eftirfarandi heimilisfang:

Netverslun Gina Tricot á Íslandi
Skeiðarás 8
210 Garðabæ
Ísland

Vörur skulu endursendar með Póstinum og mælt er með að þú geymir sönnunargögn um afhendingu og sendingarnúmer þar til endurgreiðsla hefur gengið fram. 

Samkvæmt lögum berð þú sem neytandi ábyrgð á vörunni á meðan hún er í þinni vörslu og ábyrgð á skemmdum meðan á flutningi stendur ef til þess kemur.

 

Skilað á lager. 

Þú getur komið með vörur á lagerinn okkar sem er staðsettur við Skeiðarás 8, 210 Garðabæ. Lagerinn er opinn milli kl 09:00-15:30 alla virka daga. Starfsmaður Gina Tricot mun taka á móti vörunum.  

Endurgreiðslur

Ef liðnir eru 14 dagar eða færri færð þú endurgreitt að fullu inn á sama greiðslumáta sem notaður var við kaupin. Þú færð ennfremur endurgreitt fyrir upprunalegann sendingarkostnað við kaupin að því gefnu að ódýrasti sendingarmátinn hafi verið valinn. 

Ef liðnir eru fleiri en 14 dagar og ekki fleiri en 30 býðst þér endurgreiðsla annaðhvort í formi innleggsnótu eða gjafabréfs. Í slíkum tilvikum takmarkast fjárhæð endurgreiðslu við verðmæti varanna sem skilað er, þ.e. sendingarkostnaður fæst ekki endurgreiddur.

Sendingarkostnaður við að skila vöru fæst aldrei endurgreiddur. Alltaf er hægt að koma með og skila vörum beint í netverslun Gina Tricot á Íslandi án viðbótarkostnaðar.

Gina Tricot á Íslandi framkvæmir endurgreiðslu eins fljótt og auðið er.

 

Gallar

Við skoðum vandlega allar vörur áður en þær fara í sölu. Ef vörurnar þínar eru rangar, skemmdar eða gallaðar við komu til þín, munum við skipta um slíkar vörur með nýjum vörum, án aukakostnaðar. Ef um er að ræða rangar, skemmdar eða gallaðar vörur, ertu vinsamlegast beðin(n) um að hafa samband við okkur á netfangið ginatricot@ginatricot.is innan tveggja mánaða frá því að upp komst um gallann.

Takmörkuð ábyrgð

Gina Tricot á Íslandi áskilur sér rétt til að falla frá afhendingu pöntunarinnar ef skýr og augljós verðvilla birtist á vefsíðunni (t.d. verð vörunnar virðist vera of hátt eða of lágt eða ef verð er gefið upp sem 0 kr.).  Í slíku tilviki mun Gina Tricot á Íslandi tilkynna þér strax um villuna m. tölvupósti og leiðrétta verð.

Vörurnar sem seldar eru á ginatricot.is eru eingöngu ætlaðir til einkanota. Þú samþykkir að nota ekki vörurnar í viðskiptalegum tilgangi eða til endursölu og tökum ekki ábyrgð á tapi, hagnaði, truflun fyrirtækja eða missi viðskiptatækifæra. Gina Tricot á Íslandi ber enga ábyrgð á neinum töfum sem verða á afhendingu pantana vegna utanaðkomandi atburða, þ.mt en ekki takmarkað við stríð, flóð, eldsvoða, vinnudeilur, verkföll, uppþot, óeirðir, opinberar aðgerðir eða aðra svipaða atburði.

Gina Tricot á Íslandi leitast við að lýsa nákvæmlega vörum og myndum á ginatricot.is en það gætu verið minniháttar litabreytingar á milli mynda og raunverulegra vara vegna fjölda þátta eins og vafra sem er notaður eða litaskjástillinga. Gina Tricot á Íslandi er ekki ábyrgt fyrir mismunandi litum vegna fyrrnefndra þátta.

Gina Tricot á Íslandi á rétt á að trufla/stöðva notkun ginatricot.is hvenær sem er, t.d. vegna viðhaldsaðgerða.

Ef upplýsingar sem fram koma á vefsvæði ginatricot.is eða aðrar upplýsingar frá Gina Tricot stangast á við skilmála þessa skulu skilmálar þessir ganga framar.

Hugverkaréttindi. 

Óheimilt er að afrita, hlaða niður, geyma, senda eða annað af svipuðum toga sem tengist texta og myndum sem birtar eru á ginatricot.is í neinum tilgangi án skriflegs leyfis Gina Tricot á Íslandi. Gina Tricot á Íslandi er ekki ábyrgt fyrir neinum skekkjum í texta eða myndum.

Breytingar á skilmálum.

Gina Tricot áskilur sér rétt til að breyta öllum ákvæðum skilmála þessara hvenær sem er og af hvaða ástæðu sem er. Ef við ákveðum að breyta eða uppfæra skilmála okkar verður dagsetningu hér að neðan breytt til samræmis.

Allar tilvísanir til Gina Tricot á Íslandi vísa til umboðsaðila Gina Tricot á Íslandi sem á og rekur ginatricot.is. Nýjustu útgáfu skilmála þessara má ávallt finná vefsvæði okkar ginatricot.is

Skilmálum var síðast breytt  17.03.2023

Ágreiningsmál

Úrskurðaraðili vegna ágreinings á sviði neytendamála er kærunefnd vöru- og þjónustukaupa - Borgartúni 21 - www.kvth.is